Arestado sa kapulisan ang usa ka wanted person giila nga si alyas “Ludy”, 63 anyos, minyo, ug residente sa Barangay La Libertad, Kapatagan, Lanao del Norte, atol sa usa ka manhunt operation kagahapong adlawa sa alas 2:00 sa hapon, Setyembre 23,2025, nga gipahigayon sa Tracker Team sa Sapad Municipal Police Station uban ang kooperasyon sa Kapatagan MPS, sa Purok 6, Brgy. La Libertad, sakop sa nahisgutang probinsya .
Nagbaton ang suspek sa standing Warrant of Arrest alang sa kasong Frustrated Murder, ilawom sa Criminal Case No. 21-957, nga gipagawas ni Presideng Jugde Jacob T. Malik, sa RTC Branch 21, 12th Judicial Region, Kapatagan, Lanao del Norte, penetsahan kaniadtong Enero 29, 2002, ug adunay girekomenda nga piyansa ang korte nga mobalor ug ₱24,000.00.
Giila usab ni PCOL Leo De Leon Sua, Acting Provincial Director sa Lanao del Norte Police Provincial Office (PPO), ang paspas ug tinud-anay nga aksyon sa mga sakop sa kapulisan.
Sa kasamtangan gikustodiya na sa Sapad Municipal Police Station ang naaresto nga suspetsado alang sa tukmang lakang.
Photo courtesy of FBLanaodelNortePNPHqs
