Usa ka katingalahang panghitabo ang nasinati sa usa ka pamilya human kapin 13 ka tuig nga pagkawala sa usa ka singsing, kini nakit-an nga nasuot ra sa tanom nga carrot.
Ang tag-iya nga si Mary Grams, usa ka tigulang nga babaye, nawad-an sa iyang singsing nga diyamante samtang nagtanom sa ilang garden niadtong 2004. Tungod sa kahadlok nga masuko ang bana, wala niya gisultihan ug nipalit lang siya og bag-o nga singsing.
Apan niadtong bag-o lang, ang iyang daughter-in-law nakaplagan ang singsing nga suot ra sa usa ka carrot nga murag giampingan sa tanom sulod sa daghang katuigan.
Bisan kapin usa ka dekada ang milabay, perfect fit gihapon ang singsing sa tudlo ni Mary. Matud niya, milagro gyud ang nahitabo ug dako iyang kalipay nga nakuha niya balik ang butang nga gihunahuna niyang nawagtang na hangtod sa kahangturan.
Photo courtesy to:Mary Grams archive-Good living guide
