Gitutokan sa National Commission on Indigenous Peoples (NCIP) ang mga proyekto ug oportunidad alang sa Indigenous Peoples (IPs) sa dakbayan sa Iligan.
Sumala ni City Councilor Renandang Mansumayan Comonog, Indiginous People Mandatory Representative (IPMR)-Iligan, kini nga mga lakang usa ka epektibong pamaagi aron maprotektahan ug mapadayon ang ancestral nga luna sa mga Higaonon.
Gipunting sa inisyatiba nga masiguro nga madungog ang tingog sa mga Lumad, mapreserbar ang ilang tradisyon, ug matuman ang ilang mga tinguha pinaagi sa usa ka komprehensibo nga plano nga nagtan-aw sa ilang lugar, kultura, ug kaugmaon alang sa umaabot nga mga kaliwat.
Nanghinaut usab si Comonog nga magpadayon ang paningkamot sa pagpanalipod sa katungod sa mga Lumad ug pagtukod sa usa ka inklusibo, malungtaron, ug kulturanhong panulondon nga kaugmaon.
