Malaumon nga mo-uswag ang industriya sa Philippine information technology and business process management (IT-BPM) tungod kay gilauman nila nga mokita og $42 bilyon sa export revenues ug modaghan ang trabahante ngadto sa 1.97 milyon sa tuig 2026.
Gitinguha usab sa Pilipinas nga mahimong sunod nga hub alang sa global capability centers (GCC), tungod kay nakita ang pagdagsang sa interes gikan sa mga multinational companies.
Matud pa ni IT & Business Process Outsourcing Association of the Philippines (IBPAP) President and Chief Executive Officer Jonathan R. Madrid, ang industriya nakamugna na og 450,000 ka bag-ong trabaho ug $10.5 bilyon nga kita sukad sa paghimo sa industry roadmap niadtong 2022.
Ang gilauman nga mga trabaho ug kita alang sa 2026 nahiuyon sa baseline projections nga gipakita sa IT-BPM Roadmap 2028.
Giingon ni Madrid nga ang pag-uswag sa industriya padayon gihapon nga gimaneho sa mga core segments banking, financial services, ug healthcare.
Photo courtesy to:TECHFUNNEL
