Gipasidunggan ang kabayo nga si Sergeant Reckless, usa ka bayani sa Korean War nga misalmot sa gira niadtong 1953. Sa mainitong engkuwentro sa Outpost Vegas, siya nakadala og kapin 9,000 ka libra o 4,000 kilo nga bala sulod sa 51 ka biyahe sa usa lang ka adlaw, bisan sa lisod nga mga agiaanan, tungod sa ka peligro sa kinabuhi.
Naigo siya sa mga bala duha ka higayon pero padayon gihapon sa pagserbisyo. Gikonsiderar siya nga miyembro sa pamilya sa mga sundalo, kauban nila mokaon ug mupahuway sa kampo.
Tungod sa iyang kaisog, gihatagan siya og ranggo nga Sergeant, nakadawat og Purple Heart, ug uban pang military honors. Human sa gubat, gidala siya sa Estados Unidos ug mipuyo sa Camp Pendleton hangtod sa iyang kamatayon niadtong 1968.
Karon, daghang estatwa ang nagtindog sa tibuok Amerika, aron sa pagpasidungog sa kabayo nga giila nga bayani.
Photo courtesy to:U.S Marine Corps Forces Korea
