Gidala sa balay tambalanan ang usa ka 13 anyos nga studyante nga babae human naglisod ug ginhawa tungod gipainom kini sa iyahang classmate nga lalaki ug juice nga adunay sagol nga robust.
Base sa report nga giinom matud sa dalagita ang juice pag-tuo niya nga walay lain nga gisagol sa ilimnon. Paglabay sa pipila ka mga oras mi-deklara na kini nga nanglisod na siya ug ginhawa ug kalit ra kining nakuyapan ug daling gidala sa ospital.
Sa pagkakaron anaa na kini sa luwas nga sitwasyon ug padayon gihapon kining nagpaalim sa balay tambalanan.
Nagpahimangno ang Corella National High School nga disiplinahon ug mayo sa mangtutudlo ug ginikanan ang ilahang kabatan-onan ug huna-hunaon ug maayo kung ingkaso magbuhat kinig prank.
Photo courtesy to: Bohol island News
