Kung hisgutan ang mga bililhon ug talagsaong butang, kasagaran ang hunahuna moadto sa bulawan o diamante. Apan sumala sa mga syentista, ang labing mahal nga materyales sa kalibutan mao ang usa ka butang nga mas lisod pa makuha ang antimatter.
Base sa datos sa NASA ang paggama og 1 ka gramo sa antimatter gibanabana nga mobalor og kapin $62.5 trilyon. Ngano man? Tungod kay kung magtagbo ang antimatter ug matter, kini mopagawas og 100% pure nga enerhiya, nga mao’y pinakakusgan nga nailhan sa syensya.
Sa pagkakaron, pipila ra ka nanogram sa antimatter ang maproduce matag tuig gamit ang particle accelerators, ug dali ra kini mawala kung dili eksakto ang containment.
Bisan pa nga teoretikal pa ang mga gamit niini, gilauman sa mga eksperto nga mahimong makatabang kini sa pagpalupad og spacecraft sa interstellar travel o makahatag og bag-ong medical breakthroughs.
Sa pagkakaron, ang antimatter nagpabilin nga simbolo sa labing ambisyoso nga damgo sa syensya — timaan nga daghan pa kaayong misteryo nga atong tukion sa unahan.
via:Getty image
