Nadala sa ospital ang usa ka lalaki human kini gi-dunggab sa iyang likod sa tulo ka higayon sa dihang kalit siyang giatake sa iyang kaugalingong pag-umangkon, niadtong nakalabay nga adlaw sa Purok 7, Tambo, Barangay Hinaplanon, Iligan City.
Base sa inisyal nga imbestigasyon sa Iligan City Police Station 1, nagkanayon ang biktima, nga nagpabiling wala magpaila nga naglingkod siya sa gawas sa ilang balay sa dihang kalit lang mitungha ang 30-anyos nga suspek ug gidunggab siya sa makadaghang higayon.
Human sa brutal nga panghitabo, misibat ang suspek sa wala matino nga direksyon. Gipatuman dayon kapulisan ang hot pursuit operation aron masikop ang suspetsado.
Sa pagkakaron, anaa sa stable ang kahimtang sa biktima ug padayon nga giatiman sa medical staff sa Gregorio T. Lluch Memorial Hospital.
Nagpadayon pa usab ang imbestigasyon aron masuta ang motibo sa suspek sa kalit nga pag-atake sa bitktima.
Photo courtesy of ICPS-1
