Usa ka katingalahan nga talento ang gipakita sa Colombian speedcuber nga si Angel Alvarado human niyang makab-ot ang usa ka murag imposible nga buhat ang pag-solve sa Rubik’s Cube samtang nag-juggling niini sa hangin.
Si Alvarado, nga nailhan na sa cubing community tungod sa iyang kadasig ug kaabtik, nakapukaw og internasyonal nga pagtagad pinaagi sa paghiusa sa duha ka lisod nga abilidad ang speedcubing samtang ga juggling.
Ang maong performance nagkinahanglan dili lang kusog nga analytical skills apan usab husto kaayo nga hand-eye coordination.
Kini nga talagsaong kalampusan nagbutang og bag-ong sukdanan sa creativity ug pasensya sa kalibutan sa puzzle-solving, ug nagpalig-on sa dungog ni Alvarado isip usa sa labing innovative cubers sa tibuok kalibutan.
via: Guinness World Record
