Angol ang duha ka biktima human sa nahitabong pagpamusil sa Purok Pluto, Barangay Bangkerohan, Ipil, Zamboanga Sibugay niadtong nakalabay nga adlaw.
Sumala sa imbestigasyon,samtang nagbiyahe ang mga biktima pauli sa ilang panimalay sakay sa Bajaj RE human misalmot og pag ampo sa ilang Mosque,miduol ang duha ka indibidwal og gipusil ang mga biktima.
Dugang pa sa mga imbestigador,ilang gihulagway ang mga suspek kung asa ang driver nakasuot og itom nga jacket samtang ang backrider nga maoy mitiro nakasuot og itom nga Tshirt nga naka Face mask.
Human sa insedente daling mikalagiw ang mga suspek paingon sa Magdaup nga direksyon,samtang ang mga biktima gidala sa tambalanan alang sa dinaliang medikasyon.
