Klaro na ang pagbalik ni 8-division world champion Manny Pacquiao sa wala pa ang iyang ika-47 nga adlawng natawhan sa Disyembre.
Sulayan matud pa ni Manny nga isulat pag-usab ang kasaysayan isip ‘labing karaan nga welterweight champion’ pinaagi sa usa ka potensyal nga panagsangka batok kang World Boxing Association (WBA) 147-pound ruler nga si Rolando Romero.
Matod sa artikulo ni Lance Pugmire sa Boxing Scene, si Romero, kinsa unang nakadaog sa WBA regular title sa 147lbs niadtong Mayo human gi-knockout si Ryan Garcia rason sa unanimous decision nga kadaugan, mao kini ang usa rason nga nakahatag kaniya og potensiyal nga makasangka si Pacquiao.
Mao kini ang nagpataas kaniya isip full-time champion tungod sa pagbuhi ni Jaron Ennis sa titulo aron maabot sa 154 pounds.
Ang kontrobersyal nga pagbalik ni Pacquiao sa boksing niadtong Hulyo sa edad nga 46, dihang iyang gihagit si Mario Barrios alang sa WBC welterweight title sa MGM Grand sa Las Vegas.
Kini ang unang higayon sukad napildi kang Yordenis Ugas niadtong 2021 nga ang Filipino icon misulod sa away ug human sa kataposang pilde ni Keith Thurman niadtong 2019 aron mahimong labing batikan nga welterweight titlist niadtong tuiga.
Bisan pa sa nakadawat og daghang pagdayeg tungod sa iyang performance, ang resulta sa away wala nauyonan ni Pacquiao human kini natapos sa majority decision draw alang kang Barrios human ang tulo ka ringside judges miiskor og 115-113 alang kang Barrios ug 114-114 kaduha rason nga nahimong table ang maong away.
Mitumaw dayon ang rematch batok ni Barrios apan naklaro ni Pacquiao nga imbes motan-aw siya og laing kapilian, gusto pa niyang makigsangka og mas mapuslanon nga kontra.
Photo courtesy to:Boxing news
