Nagkaguliyang sa gipahigayon hot pursuit operation ang kapulisan sa usa ka selda sa Leonard Cheelo Police Post sa Kanyama, Lusaka, Zambia south Africa. Human nga mokabat sa 13 ka mga pinirisong babaye ug lalaki ang gipang buhian sa usa ka pulis nga hubog aron sa pagsugat sa bag-ong tuig.
Subay sa impormasyon ang pulis naila nga si Detective Inspector Titus Phiri, nga kaniadtong higayona hubog kaayo ug gikuha ang yawe sa selda gikan sa iyang kauban ug sa walay paglangan gipang-ablihan ang silda sa mga binilanggo dayon singgit nga” Hala panggawas kamo Sugata ang bag-ong tuig”.
Matud pa nga ang mga kreminal nga naka-eskapo dunay mga kasong pagpangabuso, pagpangawat ug uban pang krimen.
Photo for illustration crerdits to:The Irish Sun
