Mokabat sa 6 ka pakete sa gituhoang shabu ang nasakmit gikan sa usa ka lalaki sa gi-implementar nga Search Warrant sa mga personahe sa Alicia Municipal Police Station sa Baranggay Pandan-Pandan,Alicia,Zamboanga Sibugay niadtong nakalabay nga adlaw.
Nakuha ang nasampit nga butang gikan sa dinakpan nga nailang usa ka mag-uuma, single, ug residente sa nasampit nga lugar diin gibanabanang motimbang sa 1.44 gramos nga nagkantidad sa Php 9,792.00.
Ang nasampit nga Warrant gi isyu ni Hon. Octavius Soriano,Acting Presiding Judge, og RTC Branch 31,Imelda,Zamboanga Sibugay sa paglapas sa RA 9165.
Gipahigayon ang nasampit nga operasyon sa presensya sa Barangay Official ug Media representative og pagkahuman gi-kostudiya sa Alicia MPS alang sa tukmang lakang,samtang ang nakumpiskang butang gidala sa Zamboanga Sibugay Provincial Forensic Unit alang sa eksaminasyon.
