Nakahimo ug kasaysayan si Halima Cissé gikan sa Mali, human siya nanganak ug siyam ka buhi ug himsog nga mga bata lima ka babaye ug upat ka lalaki nga nakasulod sa Guinness World Record isip pinakadaghan nga bata nga nabuhi sa usa ka pagpanganak.
Gideliver pinaagi sa Cesarian ang mga nonuplets sa Morocco, diin gibalhin si Cissé alang sa espesyal nga pag-atiman tungod sa peligro nga klase sa pagmabdos.
Gidescribe sa mga doktor ang maong pagpanganak nga usa sa pinakakomplikado ug dilikado, nga nagkinahanglan ug daghang medical team aron masiguro ang kaluwasan sa inahan ug sa tanan niyang anak.
Karon, ang siyam ka mga bata nagmalipayon ug nagdako nga luwas. Ang istorya ni Halima usa ka hagit sa medisina ug simbolo sa kusog ug paglaum, nga nagpahinumdom sa tanan nga ang milagro sa kinabuhi buhi pa hangtod karon.
via:Guinness World Record
