Nagoakita sa kadasig ug talento ang mga kabatan-onang skateboarders gikan sa Kidapawan City human sila makadaog sa nagkalain-laing Skateboarding Competitions nga gipahigayon sa Davao City ug Digos City kaniadtong Hunyo 21, Agosto 16-17 ug Agosto 30.
Gipasidunggan sa Lokal nga Pangagamhanan sa Kidapawan ang ilang mga kadaugan atol sa Convocation Program sa City LGU niadtong Lunes Setyembre 15, 2025.
Gipangalanan si Kalid Omar isip Best A Frame, Peter Gardones isip Best Down, ug Atan Mancera isip Best Run, sa GO Skateboarding Day Davao. Champion usab si Princess Xyril Enoc sa Women’s Division nga nakadaog pa gyud og Best Trick, samtang si Peter Gardones nakakuha og 3rd Place sa Class A Category sa Kadayawan Skateboarding Competition.
Sa Araw ng Digos, 3rd Place sa Women’s Division si Princess Xyril Enoc, 2nd Place sa Class B Category si Noy Christopher Vergara, 2nd Place sa Class A Category si Atan Mancera, ug 1st Place sa Master’s Category si Bapa Oey.
Kini nga mga kadaugan naghatag og dungog dili lamang sa mga atleta apan usab sa tibuok Kidapawan City.
Photo courtesy to: City Government of Kidapawan CIO
