Hapit maputol ang bukton ang usa ka 60-anyos nga tindero sa Istanbul, human siya nataptan ug grabe nga impeksiyon gikan sa pagpaak sa tulisan.
Sumala pa sa taho, usa sa duha ka nakamaskara nga suspetsado ang mipaak kaniya samtang iyang gipugngan ang pagpangawat, nga maoy hinungdan sa impeksiyon nga misaka hangtod sa iyang bukton. Gidala dayon siya sa ospital human makasinati og hilanat.
Ug sulod matud pa sa duha ka semana, migrabe ang impeksiyon ug halos putlon na unta ang iyang bukton. Apan pinaagi sa hyperbaric oxygen therapy ug paglimpyo sa samad, naluwas sa mga doktor ang iyang kamot.
Dugang pa niini, human sa tulo ka bulan nga physiotherapy, hingpit na usab niyang nabawi ang normal nga paglihok sa iyang bukton.
Photo for illustration credits to: Press reader
