Nasikop ang usa lalaki sa gipahigayong Drug Buy-Bust Operation sa mga personahe sa Olutanga Municipal Police Station sa Barangay Solar,Olutanga,Zamboana Sibugay niadtong nakalabay nga adlaw.
Naila ang dinakpan nga 20 anyos,minyo, mananagat ug residente sa nasampit nga lugar kung asa nakuhaan og 3 ka pakete sa gituohang Shabu nga gibanabanang motimbang sa 0.75 gramos nga nagkantidad sa Php 4,500.00.
Nasakmit usab sa iyang posisyon ang usa ka piraso sa 500 peso Bill nga gigamit isip Marked Money og lain pang 2 ka piraso sa 50 Peso Bill.
Gipahigayon ang imbentaryo sa presensya sa Barangay Official ug Media representative kung asa gigamitan og Alternative Recording Device sa mga operatiba.
Sa kasamtangan ang dinakpan anaa sa kostudiya sa Olutanga MPS alang sa dokumentasyon og pagpasaka sa tukmang kaso,samtang ang nakumpiskang Drug Item gidala sa Zamboanga Sibugay Provincial Forensic Unit alang sa eksaminsayon.
Photo courtesy:Olutanga MPS
