Arestado ang usa ka lalaki nga wifi installer human kining nasakmitan ug druga atol sa gipahigayon nga drug-buy bust operation sa kapulisan sa Barangay Goleo, Sindangan, Zamboanga del Norte niadtong Septyembre 11 ning kasamtangang tuig.
Ang dinakpan usa ka 39 anyos, ulitawo ug residente sa Barangay Labakid sa susamang lungsod. Nasakmit gikan sa suspetsado ang usa ka pakete sa shabu nga motimbang ug usa ka gramo nga nagsilbing buy-bust item, ug lain pang tulo ka pakete sa shabu ang nakuha gikan sa iyang posisyon lakip na ang 1,000 peso bill nga buy-bust money. Mokabat sa kinatibuk-ang 3grams ang nasakmit nga druga nga nagkantidad ug Php20,400.00.
Ang naarestong suspect gikustodiya sa Sindangan Municipal Police Station ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo for illustration credits to: Rolling stone
