Nahimong kataw-anan sa ilang lugar ang usa ka babaye, human masuta nga ang estatwa nga iyang gituohang si Buddha sulod sa upat ka tuig, dili diay balaan nga imahe, kundili ang karakter nga si Shrek gikan sa sikat nga salida.
Matag-adlaw giampoan ug naghalad ang babaye atubangan sa maong estatwa, uban pa sa iyang mga paglaum ug pangandoy.
Apan dihang nabantay ang iyang mga higala gikataw-an kini ug gisultihan nga ang giampoan dili Buddha kundili si Shrek nga nailhan sa tibuok kalibotan.
Nahimong kataw-anan ang maong sugilanon sa komunidad, nga nagpamatuod nga usahay, ang atong tinuohan kinahanglan gyud nato susihon pag-ayo.
Photo courtesy to: Vulture
