Mainiton nga gidawat sa Local Government Unit (LGU) Pagadian ug sa mga Pagadianons ang paghidangat sa pinakaunang Philippine Looper nga si Ferdinand Dela Merced sa dakbayan sa Pagadian.
Gitunol sa Pagadian City Government pinaagi ni City Administrator, Engr. Vince Quipot ug Chief of Staff Audery Basas Cabato ang Certificate of Recognition ngadto kang Merced, adlaw’ng Myerkules, Septyembre 10, 2025.
Si Merced nanukad ug baktas sa Luneta paingon sa Batanes, balik sa Luneta ug paingon na sa kinatumyang bahin sa Pilipinas nga mao ang Julu.
Gibaktas niya sugod ang mga lugar sa Pilipinas kaniadtong Enero 2, 2025 ug anaa na sa ika 205 ka adlaw iyang pagbaktas sa diha nga nahidangat siya dinhi sa syudad sa Pagadian.
Tuyo niya nga baktason ang 82 ka probinsya sa tibuok Pilipinas aron siya maapil sa Guinness World Record isip pinakaunang Philippine Looper nga garbo sa Nueva Vizcaya.
Photo courtesy to: Local Government Unit (LGU) Pagadian
