Nagbulag ang magti-ayon sa Shanghai, China human nga wala sila nagkasinabot sa pangalan sa ilang anak.
Nasayran nga dili usab mahatagan og birth certificate ang bata ingon man gikatakda na unta na kining bakunahan.
Tungod sa maong insidente, gihangyo sa korte ang magti-ayon nga dungan muadto sa ospital aron irehistro ang ilang anak. Gani, ang korte mihukom nga ang birth medical certificate maoy importanteng basehanan aron makabaton og legal nga pagkatawo ang mga bag-ong nahimugso nga bata.
Sa karun, nagpahimangno ang korte sa mga ginikanan nga dili gamiton ang ilang mga anak alang sa personal nga rason kay kini makaapekto sa ilang kaugmaon.
Photo courtesy to:firstpost
