Nagmugna og 100 Milyon nga Itlog sa Lamok Matag Semana Aron Batukan ang Dengue ug Zika Sa usa ka makabag-o nga inisyatibo sa public health, ang pinakadako nga pabrika sa lamok sa tibuok kalibutan nga naa sa Curitiba nga nagmugna og 100 milyon ka itlog sa lamok nga Aedes aegypti, matag semana isip kabahin sa kampanya sa Brazil batok sa dengue ug Zika.
Laing paagi kini kaysa kasagarang lamok kay kini nga mga lamok nagdala og Wolbachia, usa ka walay kadaot nga bakterya nga makapugong sa transmisyon sa mga virus.
Kung ipang-release na kini, makabreed kini sa mga lamok nga naa sakit, ug ang Wolbachia mapasa ngadto sa lokal nga populasyon hinungdan sa pagkunhod sa impeksyon.
Nasulayan na kini sa Niterói, diin mikunhod ang kaso sa dengue og 69% human gibuhian ang mga lamok.
Tungod sa kalampusan, gipalapdan na kini nga programa sa gobyerno sa Brazil uban sa bakuna isip dugang nga depensa.
Bisan pa man lisod ang pag-atiman ug pagpadako sa mga lamok sa ingon kadako nga gidaghanon, nakita sa mga eksperto nga kini usa ka global model aron batukan ang mga sakit nga dala sa lamok nga nakaapekto sa milyon-milyong katawhan matag tuig.
via: MIT Technology Review
