Gikumperma na ni Gerald Anderson nga natapos na ang iyang relasyon sa aktres nga si Julia Barretto human sa pipila ka bulan nga pakahilom sa ilang kahimtang.
Sa usa ka interbyu, misulti ang aktor nga tinuod nga nagbulag na sila, nga nagpataas sa atensyon sa publiko ug nakahatag og kainit sa isyu nga miresulta sa daghang spekulasyon sa social media.
Dili malikayan nga mireact ang mga fans sa maong balita diin ang uban kanila nasakitan, uban nakapangutana, ug ang uban mipagawas sa ilang kaugalingong mga teoriya sa hinungdan sa panagbulag.
Usa sa pinakadako nga isyu nga gitutokan mao ang posibilidad nga adunay third party nga nalambigit sa ilang relasyon.
Sa social media, daghang netizens ang naghimo ug kaugalingong “imbestigasyon”, gitan-aw ang mga posts, captions, ug mga lihok sa duha ka artista, ilabina kadtong mga post nga daw adunay tinagong kahulugan.
Si Julia Barretto mismo nakadugang sa duda sa dihang siya miingon sa usa ka interbyu, “Lisod barugan ang pagsalig kung adunay mosulod nga laing tawo.”
Bisan pa sa tanan, giila sa publiko ang ka-prangka ni Gerald sa pag-angkon sa tinuod.
Alang sa uban, usa kini ka pamaagi aron matabunan ang walay hunong nga mga tsismis ug maprotektahan ang ilang dignidad.
Apan hangtod karon, nagpabilin nga abli ang pangutana, Nga tinuod ba gyud nga adunay third party nga nalambigit? O basin dili lang gayud sila para sa usag usa?
Photo courtesy of Philstar.com
