Nalakip sa Naismith Memorial Basketball Hall of Fame si Carmelo Anthony niadtong Sabado, uban sa mga basketball legends nga sila Dwight Howard, Sue Bird, Maya Moore, ug Sylvia Fowles. Bisan og wala siya makadaog og NBA championship, si Anthony niinsistir nga nasayod siya sa bili sa iyang kontribusyon sa miaging mga duwa.
Sila si Anthony ug Howard kabahin usab sa 2008 U.S. Olympic “Redeem Team” nga midala sa bulawang medalya sa Beijing human mapakyas sa nangaging mga torneyo. Naapil sila sa ubang Hall of Famers nga miyembro usab sa team, apil sila si Kobe Bryant, Jason Kidd, Dwyane Wade, ug Chris Bosh.
Karong tuiga mao usab ang una nga higayon nga ang tulo ka mga magdudula sa WNBA — Bird, Moore, ug Fowles — nga sabay-sabay nga na-inducted. Sa iyang pahayag, si Dwight Howard mihatag og pasidungog sa iyang mga ginikanan, ilabi na sa iyang inahan nga nag-antos sa pito ka miscarriage sa wala pa siya matawo.
Ang iyang pahayag napuno sa humor ug inspirasyon, apan gitapos niya kini sa usa ka mensahe alang sa iyang mga anak. Nga matud pa niya “You only die once but you live every day.”
Sa laing bahin, ang Hall of Fame 2025 nahuman uban ni Billy Donovan (coach), Micky Arison (Miami Heat owner), ug Danny Crawford (NBA referee).
Photo courtesy to: NBA
