Nagpadayon ang Department of Public Works and Highways Sarangani District Engineering Office sa pag-ayo sa mga tulay ug mga agianan subay sa Sarangani-Sultan Kudarat Coastal Road sa Kiamba, Sarangani Province aron mapalambo ang kaluwasan sa kadalanan ug kalig-on sa imprastraktura.
Ang P5-million nga proyekto naglambigit sa pag-instalar ug paghimo og signage, pag-ayo sa approach slabs, flood control measures, ug rehabilitation sa mga tulay.
Tumong niini nga kalihokan aron mapanalipdan ang mga istruktura gikan sa erosion, kadaot nga may kalabotan sa tubig, ug uban pang mga peligro nga mahimong makompromiso ang kaluwasan sa mga motorista ug mga pasahero.
Kini nga proyekto gipondohan ubos sa 2025 General Appropriations Act (GAA), og gilauman nga mahuman karong buwana, sa Septiyembre 2025.
Photo courtesy to:DPWH-SOX
