Siyam ka Micro, Small and Medium Enterprises sa turismo ang nakadawat og loan assistance gikan ₱150,000 hangtod ₱1 milyon ubos sa “Turismo Asenso Loans” nga gipasiugdahan sa Department of Tourism kauban ang Small Business Corporation ug Department of Trade and Industry.
Matod ni Tourism Secretary Christina Frasco, makatabang kini sa pagpalig-on sa kita sa mga negosyo, pagpaayo sa serbisyo, ug paghimo og dugang trabaho sa turismo.
Si Presidente Ferdinand Marcos Jr. nagkanayon nga ang MSMEs maoy pwersa sa industriya ug gisaad niya ang dugang suporta aron mapalambo ang lokal nga produkto ug mapalapdan pa ang information drive.
Gipasabot usab sa presidente nga ang nasud nagbarog karon sa “experiential tourism,” diin masinati sa mga bisita ang kultura ug mainiton nga gawi sa pag abi-abi nga hiyas sa matag pilipinhon.
Samtang, kapin 1,000 ka tourism workers sa Aurora ang nakadawat og ₱11,250 matag usa isip emergency cash transfer ubos sa BBMT program human sa kadaot nga gidala ni Bagyong Pepito.
Dugang pa, magpahigayon ang DOT og training aron matabangan ang mga trabahante sa pag-angkop sa epekto sa climate change.
Photo courtesy to: PIA
