Dead on the spot ang usa ka residente samtang usa pa ang kritikal sa ospital tungod sa lain-laing insidente sa pagpamusil sa Datu Odin Sinsuat, Maguindanao del Norte niadtong Martes sa gabie, Septiyembre 2, 2025.
Gikompirma sa mga opisyal sa Datu Odin Sinsuat Municipal Police Station nga unang napatay sa duha ka insidente sa pagpamusil ang 22 anyos nga si Kamarudin Salik, kinsa gipusil sa wala mailhing suspetsado sa Barangay Tanuel.
Sumala sa mga residente sa maong barangay nga paspas nga miikyas ang suspek human sa insidente. Paglabay sa usa ka oras, gipusil usab sa Barangay Pinguiaman si Zabiri Malagial nga daling gidala sa Cotabato Regional Medical Center sa Cotabato City sa mga opisyal sa barangay aron matambalan.
Sa report sa mga otoridad, kritikal ang kahimtang sa biktima sa tungod sa maong pagpamusil. Samtang ang suspetsado daling misibat sa wala matinong direksyon.
Nagkahiusa karon ang mga lokal nga opisyales sa Datu Odin Sinsuat ug ang hepe sa ilang Municipal Police station nga si Lt. Col. Esmael Madin, sa pagpangita ug pag-ila sa mga responsable sa pagpamusil nila ni Salik ug Malagial aron mapasakaan og tukmang kasong kriminal.
photo for illustration credits to: istock
