Planado na matud pa sa gobyerno kung unsaon pagsustine sa P20 nga bugas hangtod sa tuig 2028 o sa pagkahuman sa termino ni Presidente Ferdinand Marcos Jr.
Sumala ni National Food Authority (NFA) Administrator Larry Lacson, adunay aktuwal nga pondo nga alang sa maong programa alang sa 2026, 2027 ug tibuok 2028.
Lakip niini ang pondo nga gitagana alang sa procurement o pagpamalit og lokal nga bugas gikan sa mga mag-uuma.
Dugang pa ni Lacson, planado na usab ang gidaghanon sa bugas nga ipagula gikan 2026 hangtod 2028, base sa konsumo sa target nga gidaghanon sa mga konsumidor nga makapahimulos sa maong barato nga bugas.
Gibuhat sa NFA Admin ang maong pahayag atol sa iyang pagbisita sa pipila ka bodega sa NFA sa Mindanao ug pakig-diyalogo sa mga mag-uuma ug konsumidor sa rehiyon.
Photo courtesy to:news-da
