Imbis nga ilabay ang ginamit nga mantika sa pagluto karon adunay bag-ong gamit sa Finland, human kini i-convert ngadto sa renewable clean diesel nga mahimong alternatibo sa fossil fuels.
Kini nga inobatibong proseso nagtabang sa pagpakunhod sa makadaot nga greenhouse gas emissions, samtang nakapamenos usab sa basura nga kasagaran moadto sa landfill.
Dili lang usa ka sektor ang nalambigit, kondili apil ang mga restawran, panimalay, ug industriya sa pagtigom sa ilang ginamit nga mantika.
Ang nakolektang lana dayon gi-proseso aron mahimong gatong sa mga sakyanan ug makinarya. Sumala sa mga eksperto, kini nga pamaagi mao ang usa sa labing epektibong ehemplo sa circular economy, diin ang ordinaryong basura mahimong usa ka hinungdanong kusog alang sa malungtarong kaugmaon.
Pinaagi niini, nagpakita ang Finland kung giunsa pagbalhin ang simple nga basura ngadto sa usa ka driving force sa green future.
via: Techtimes
