Nangayo og tabang sa kapulisan ang usa ka 35-anyos nga lalaki nga giila sa alyas Marvin, residente sa Purok 11, Barangay Gusa, human matod pa kini giingong gikulata sa iyang asawa nga giila sa alyas Rowena, 32 anyos.
Base sa reklamo sa Police Station 3, giingong gibunalan ug gisumbag si Marvin sa iyang asawa gamit pa og dos pordos.
Matod pa ni Rowena, nasakpan niya ang iyang bana nga namayot ug dili lang kini unang higayon nga nabuhat sa bana.
Tungod sa kasuko ug kapungot, giangkon niini nga wala na niya mapugngan ang iyang emosyon ug miresulta kini sa pagpangulata.
Karon, ang kaso giturn-over na sa Lupon Tagapamayapa sa Barangay Gusa aron hatagan og tukmang aksyon ug masulbad pinaagi sa hustong proseso.
Photo courtesy to:jomari aboc
