Nanawagan ang grupo sa mga bao-bao driver sa mga otoridad nga pahugtan pa ang seguridad sa probinsya taliwala sa hulga sa pagpangawat sa mga unit sa bao bao ug sa pagpamatay sa pipila nila ka kauban nga nakahatag nakapabalaka sa ilang hanay. Base sa imbestigasyon, nagsugod ang serye sa krimen niadtong Abril hangtod Hulyo ning tuiga, diin pito na ka unit sa bao-bao ang nawala samtang duha ka drayber ang nareport nga missing. Nakit-an na usab ang usa sa drayber apan kalabera na kini.
Matod pa ni Alex Fontebedro nga naghatag kini og dakong kahadlok ug kabalaka sa ilang panginabuhi nga naka apekto sa ilang panginabuhian. Gipangayo nila sa mga otoridad nga magpatuman og mas hugot nga pagbantay ug regular nga pagbuhat og checkpoint aron mapugngan ang dugang nga krimen.
Naglaom ang mga bao-bao driver nga pinaagi sa lig-on nga aksyon ug suporta sa kapulisan, maprotektahan sila ug masiguro ang kaluwasan sa ilang trabaho nga nagsilbing panginabuhi sa ilang pamilya.
Photo for illustration courtesy to:reddit
