Nipahigayon og validation ug assessment ang Department of Social Welfare and Development Field Office XII (DSWD 12) sa insidente sa kalamidad sa lungsod sa Kiamba, Sarangani Province nunot sa kusog nga pag-ulan inubanan sa kusog nga hangin tungod sa Habagat.
Ubay-ubay nga mga pamilya ang naapektuhan sa dili maayong panahon, hinungdan sa hinanaling pagresponde sa DSWD 12.
Isip kabahin sa ilang inisyal nga tabang, ang Field Office nanghatag ug 15 ka family food packs (FFPs) ug 15 ka laminated nga sako ngadto sa mga apektadong panimalay subay sa direktiba sa Presidente sa pagpalig-on sa pagpangandam ug pagtubag sa kalamidad.
Pinaagi sa ilang Disaster Response Management Division (DRMD), gipasalig sa DSWD 12 nga ang padayon nga pagmonitor ug koordinasyon sa Local Government Unit (LGU) sa Kiamba ug mga hingtungdan nga ahensya gihimo aron masiguro ang tukma nga interbensyon alang sa mga apektadong pamilya.
Photo courtesy to: DPWH 12
