Misikat sa social media ang 28-anyos nga Malaysian nga si Farah Faizal human iyang gipaambit ang grabe nga kausaban sa iyang dagway samtang siya nagbuntis. Sa iyang mga gipost nga hulagway, makita ang iyang panit nga puno sa hubag ug kunot, nga mura’g nawong sa edaran.
Matod ni Farah, bisan pa sa paggamit niya ug mga skincare products, wala kini nakaepekto ug halos adlaw-adlaw adunay bag-ong hubag nga muturok. Sa kalisod sa kahimtang, dako ang papel sa iyang bana sa paghatag ug suporta aron siya magpabilin nga lig-on. Human siya manganak, hinay-hinay nang mibalik sa normal ang iyang panit ug naglaom siya nga hingpit kining mamaayo sa paglabay sa panahon.
Nakakuha ug milyon-milyong views ug reactions ang iyang sugilanon apan wala kini nakalikay sa negatibong mga komento. Ang uban nag-akusar kaniya nga nag-edit lang sa litrato ug nagpakapopular. Tungod niini, nakahukom si Farah nga dili na magpahibalo ug dugang detalye, apan iyang gipasiugda nga ang iyang katuyoan mao lang ang pagpahibalo sa tinuod nga epekto sa pagbuntis sa lawas ug panghunahuna sa kababayen-an.
Photo Courtesy: harberler.com
