Giklaro ni Tagum City Economic Enterprises Office Manager Pocholo Melendres atol Sa pakighinabi sa Juander Radyo Tagum News Team nga wala sa ilang buhatan partikular sa Tagum Public Market nga nagbuhat og anomalya sama sa pagsoksok og isda sa nukos.
Gibutyag ni Melendres nga imposible kining mahitabo sanglit taas nga oras ang gikinahanglan aron trabahoon matud pa ang susamang modus ug dili kini mahimo sa sulod sa palengke sanglit daghan ang gimontar nga CCTV.
Dugang niya, kung pananglit gituyo man og paslak ang nukos sa isda posibleng, didto kini gitrabaho kung diin gikumpra, apan dili kombinsido si Melendres og wala kini nakita nga basihan aron himuon kini sanglit mas mahal matud pa ang kantidad sa olan-olan nga isda nga anaa sa kapin 100 kung itandi sa nokus, giklaro usab niya nga usa lamang kini ka pagpandaot sa dakbayan.
Buot matud pa huna-hunaon, dako ang mawala sa usa ka vendor kung ugaling gisoksokan ang nokus og isda, ug komplikado sumala pa ang pagsoksok sa isda sa nokus gumikan mokalas pa kinig oras.
Wala usab silay nadawat nga reklamo sa ilang buhatan kabahin sa maong insidente human mikatag sa facebook ang maong post.
Sa laing bahin, gisubay sa Juander Radyo Tagum News Team ang mga naninda sa giingong palengke, og nasaksihan nga dili tinuod ang maong viral post sumala pa sa nahinabi nga mga tindera sa nocus.
Gidasig sab sa buhatan sa Tagum City Economics Enterprises nga dili maapektuhan ang ekonomiya sa ilang palengke sanglit naningkamot ang ilang buhatan sa pagmonitor sa palengke, aron walay mga dili maayo nga makalusot pinaagi sa pag-inspeksyon sa tanang mga produkto nga gibaligya sa sulod sa nasangpit nga merkado.
Gipanawagan ni Melendres nga dili motoo sa mga reklamo online, kung aduna man galing buot ipaabot sa ilang buhatan, mamahimo silang bisitahon arun marespondihan nila og mahatagan og pormal nga dokumentasyon, ilabina kung adunay reklamo sa mga tindera, sa ilaha matud pa mo direkta og likayan sa online aron kini mahatagan og saktong pagtagad.
