Nasakmit gikan sa usa ka indibidwala ang smuggled nga sigarilyo sa Barangay San Vicente, Dapitan City, Zamboanga Del Norte niadtong Agosto 27 ning kasamtangang tuig.
Nadakpan ang suspek nga giilang si Romulo Dela Torre, 33 anyos ug residente sa Brgy. Estaka, Dipolog City, sa gipahigayong foot patrol sa mga personahe sa Zamboanga del Norte Maritime Police Station nga aktong nagdala ug nagbaligya ug mga kinarton sa smuggled nga sigarilyo.
Nasakmit ang Champion ug Berlin nga brand sa smuggled nga sigarilyo nga adunay kinatibuk-ang kantidad nga Php57,300.00.
Ang dinakpan ug ang nakumpiska nga mga ebidensya ang gidala ngadto sa Zamboanga del Norte MARPSTA alang sa tukmang disposisyon.
Samtang padayon sa ilang kusog nga kampanya ang PNP Maritime Group sa pagpatuman sa mga operasyon aron pagsumpo sa smuggling operation sa probinsya.
Photo Courtesy: Regional Maritime Unit 9
