Gihatagan ug gibug-aton sa kadumalahan sa Agricultural Training Institute-Regional Training Center (ATI-RTC ) Region Xa ang ilang paglusad sa usa ka Internship Program nga nagtutok sa organic agriculture ug corn production.
Sa eksklusibong pakighinabi sa Juander Radyo News team,gibutyag ni Senior Agriculturist Javier Andalan ang kamahinungdanon sa bag-ong programa.
Matud pa gitumong kini aron hatagan ug kahigayonan ang mga bag-ong graduate sa kurso sa agrikultura, lakip na ang mga out-of-school youth, nga makakat-on ug makapraktis sa modernong pamaagi sa pagpanguma.
Gipunting usab sa programa nga makadani ug makadasig sa mga lokal nga lumulupyo nga moapil sa sektor sa agrikultura.
Gilauman nga pinaagi niini, mas mapausbaw ang kalamboan sa agrikultura sa rehiyon, pinaagi sa pagbansay sa bag-ong henerasyon bag-ong pamaagi sa pagpanguma.
