Magbukas og dugang 45 nga Kadiwa Stores ang Philippine Postal Corporation (PHLPOST) sa tibuok nasud isip kabahin sa flagship program ni Presidente Ferdinand Bong-bong Marcos Jr.
Kini tumong aron mapakusog ang food security, makahatag trabaho og makunhuran ang kapobrehon pinaagi sa pagtanyag sa nag-unang palaliton sa ubos nga presyo.
Sa pakigtambayayong sa Department of Agriculture (DA), ang PHLPOST maoy nangita ug post office network aron magsilbing lugar sa pagpatuman sa programa.
Matud ni Postmaster General ug CEO Maximo Sta. Maria III, ang kolaborasyon sa ilang buhatan tali sa DA nagpakita sa matinud-anong paningkamot alang sa kaayohan sa mga kabus.
Ilawom sa kasabutan, ang PHLPOST maoy muhatag ug lugar para sa Kadiwa outlets, samtang ang DA magsiguro sa mga produktong ibaligya nga adunay kalidad ug presko.
Source: PHILIPPINE INFORMATION AGENCY
