Naguol ang usa ka lalaki gikan sa Chengdu, nasud China, human ang iyang asawa nag-antos sa depresyon ug kabalaka human nakit-an sa duha ka tiglimpyo sa bintana nga hubo samtang siya natulog sa ilang high end nga apartment.
Matod ni Mr. Cheng, klaro niyang gipahibalo ang management nga sultihan sila sa dili pa limpyohan ang bintana, apan usa ka buntag niana, kalit nga mitungha ang duha ka trabahante sa gawas sa ilang lawak nga nakasurpresa sa iyang asawa.
Si Mr. Cheng midugang nga ang iyang asawa nag-antos sa depresyon sulod sa upat ka bulan ug nangayo og public apology ug bayad gikan sa management. Apan, gitanyagan lang sila og 600 yuan nga diskwento, nga ilang gibalibaran.
Kini nakapukaw sa init nga mga diskusyon online, ang uban gibasol ang nagdumala sa apartment, ug ang uban nagbasol sa babaye tungod sa pagkatulog nga bukas ang kurtina hinongdan nakit-an kini nga hubo.
Photo for illustration credits to:crystal clear windows
