Gitawag nga “Egg of the Sun” o itlog sa adlaw, kini nga klase sa mangga ang giilang pinakamahal sa tibuok kalibutan, mao kini ang Miyazaki Mango, nga makit-an lamang sa pipila ka lugar sa Japan.
Sa presyo nga muabot og 500,000 yen o kapin ₱200,000, usa lang ka pares sa maong mangga, katumbas sa presyo sa motorsiklo o down payment sa sakyanan.
Unsa may hinungdan nga sobra kini kamahal?
Ang Miyazaki Mango moangay lamang sa klima sa Japan, og gitanom kini uban sa estrikto nga pag-atiman. Ang kolor niini pula-pula, susama sa apple mango, apan ang texture, kahumot, ug kalami dili nimo ikakumpara.
Gituohan nga kini adunay pinakataas nga sugar content sa tanang matang sa mangga, ug ang humot niini daw makaengganyo nga kan-on.
kini adunay mubo ra nga punuan, halos pareha kini og gitas-on sa tanom nga kamatis, apan ang bunga niini maoy gintong prutas nga gipangita sa mga elite market sa Japan ug sa ubang nasod.
Gitawag usab kini og “dinosaur egg” sa mga karaan, tungod sa hitsura ug kadak-on.
Photo courtesy to: The better India
