Nakaimbento ang mga road safety experts sa Finland og usa ka bag-ong pamaagi aron makunhuran ang liboan nga aksidente sa kalsada nga naglambigit sa mga usa ug reindeer matag tuig. Gamit niini, ilang gipahid ang reflective spray sa mga sungay ug balhibo sa hayop.
Kung masidlakan kini sa suga sa sakyanan sa gabii, molamdag kini ug klaro nga makita sa mga drayber, labi na sa mga ngitngit ug kalasangan nga kalsada diin kasagaran mahitabo ang mga bangga.
Ang spray dili makadaot sa hayop ug molugwa ra natural human sa pipila ka panahon, apan dako kini’g tabang ilabi na sa tingtugnaw nga panahon diin sagad makit-an ang reindeer duol sa mga highway.
Tungod kay ang reindeer dako’g papel sa kultura ug panginabuhian sa Finland, gihatagan kini og prayoridad aron mapanalipdan ang hayop ug mga drayber.
Bisan pa nga nagpabilin pa kini sa testing stage, gilauman sa mga eksperto nga mahimong ehemplo kini alang sa ubang nasod nga nag-atubang ug kaparehong problema sa wildlife-related road accidents.
via: Techtimes
