Daghan ang nakurat ug natingala human nag-viral ang usa ka video nga nagpakita sa usa ka lalaki nga nag-vape samtang gipaubos sa first aid.
Kini nga insidente nagpakita sa lain-laing reaksyon gikan sa mga netizens. Makita sa video ang usa ka lalaki nga naglingkod sa usa ka lingkuranan samtang gitambalan ang iyang samad sa duha ka first responders.
Samtang gipang-bandage ang iyang kamot, kalmado nga gikuha sa lalaki ang iyang vape ug misugod sa pagsinghot og pagbuga sa aso niini.
Tungod niini, nag-trending ang maong video ug daghan ang natingala sa sitwasyon. Adunay uban nga mibati og kalagot samtang adunay uban nga misulay sa pagsabot sa sitwasyon. Gibutyag sa usa ka netizen nga “Coping mechanism ra na niini ang pag-vape aron magpabiling kalma.”
Kini nagpakita nga ang maong lihok usa ka paagi sa lalaki aron makuha ang iyang kahadlok bisan pa man sa iyang nasinatian nga kahimtang.
Dugang pa sa maong netizen, dili parehas ang pag-atubang sa mga tawo sa mga problema o seryosong sitwasyon, ang uban mohilak, ang uban magpanic, ug ang uban mosulay sa paghupay sa ilang kaugalingon sa laing paagi.
Bisan pa man sa mga lain-laing reaksyon, nagpadayon gihapon ang diskusyon sa social media bahin sa maong video.
Photo courtesy to: NICO
