Tulo ka mga lalaki nga biktima sa landslide ang nakuha didto sa Sitio Sawike, Barangay Patpat, Malitbog Bukidnon Agosto 26, 2025.
Sa gihimonong retrieval operations sa Malitbog Quick Response Team (QRT), sa nahisgutang lugar uban sa koordinasyon sa MDRRMO ug mga personahe sa Bureau of Fire, nasayran nga mga alas 3:30 sa hapon sa samang petsa giingong nag-treasure hunting, apan kalit natabunan sa pagdahili sa yuta ang mga biktima giilang 49 anyos nga lalaki, ulitawo, mag-uuma; 53 anyos, lalaki, minyo, mag-uuma; ug 41 anyos, ulitawo, mag-uuma, pulos residenti sa nahisgutang lugar.
Unang naluwas sa insidenti ang 49-anyos nga lalaki, apan ang kaubanang laing duha ka lalaki narekober nga patay na kung asa anaa karon sa Funeral Services sa nahisgutang lungsod.
Gipahimangnuan karon ang tanan nga unahon kanunay ang kaluwasan, likayan ang pag-adto sa mga landslide-prone zone, ilabina sa panahon o human sa kusog nga ulan.
Ang PNP, kauban ang mga lokal nga awtoridad ug mga disaster response teams, magpadayon sa pagmonitor sa mga lugar nga huyang ug pagpataas sa kahibalo sa pagpangandam sa kalamidad, pinaagi sa pagkamabinantayon, disiplina, ug panaghiusa, aron mapanalipdan ang mga kinabuhi ug ang komunidad
via: Malitbog Municipal Police Station
