Gibutyag ni Marie Grace Halibas, Executive Director sa Local Economic Development and Investment Promotion (LEDIP) Office Iligan, ang plano sa usa ka Korean investor nga magtukod og modernong slaughterhouse sa siyudad sa Iligan.
Sa eksklusibong pakighinabi sa Juander Radyo News Team, matud ni Halibas nga nakaduha na og bisita ang maong investor sa dakbayan. Sa gihimong pagbisita nakigkita kini sa amahan aron hisgutan ang plano sa pagtukod sa pasilidad nga magtanyag og dekalidad nga serbisyo sa pag-ihaw og mga hayop.
Dugang pa ni Halibas, ang investor nagpakita og dakong interes sa pagtukod og modelong slaughterhouse sa Iligan. Gilauman nga pinaagi sa maong inisyatibo, mas mapalambo ang lokal nga meat processing industry, matukod ang standard nga pamaagi sa pag-ihaw og lauman ang mas maayo nga kita.
Positibo usab ang panan-aw sa lokal nga panggamhanan sa Iligan sa maong proyekto ug andam nga mosuporta sa mga kinahanglanon aron masiguro ang kalampusan niini.
