Sugod karong Setyembre 2025, ipatuman na sa China ang artificial intelligence (AI) education isip mandatory nga subject alang sa mga bata nga magsugod pa lang sa unang grado o edad unom ka tuig usa ka dako nga kausaban sa ilang sistema sa edukasyon.
Ang programa magsugod pinaagi sa mga dula ug interactive nga aktibidad aron mapukaw ang kuryusidad sa mga kabataan, ug inubanan kini sa mas komplikadong leksyon samtang sila motubo, sama sa robotics, coding, ug machine learning projects. Gituohan nga kini nga pamaagi makatabang sa kabatan-onan nga maandam sa paspas nga pag-uswag sa digital nga kalibutan.
Aron masuportahan ang inisyatiba, ang mga tunghaan sa China gitagaan na og bag-ong AI-focused curriculum, espesyal nga laboratoryo, ug mga magtutudlo nga gi-train sa emerging technologies.
Pinaagi sa pagsugod sa AI literacy gikan pa sa gamayng edad, tuyo sa China nga makapalambo og henerasyon nga maalamon ug andam manguna sa sunod nga balud sa global innovation
via: Techtimes
