Wala magduha-duha ang mag-asawa sa nasud Barcelona nga gibilin ang 10-anyos nila nga anak sa Airport gumikan expired na ang pasaporte niini. Imbes na kanselahon ang bakasyon paingon sa Morocco, nanawag na lang sila og paryenti aron sundoon ang maong bata ug dayon mi sakay ug lahos sa eroplano ang mag ti-ayon.
Nadiskubre kini human makita sa kapolisan ang bata nga nagsuroy-suroy sa terminal. Tungod niini, wala gipalupad ang eroplano ug gipanaog ang mag-asawa aron imbestigahon.
Sumala sa ginikanan sa bata, wala na silay oras nga mag-atiman pa sa visa sa bata hinungdan nga ila kining gibyaan sa airport, ug aduna usab sila’y paryenti nga mosundo sa ilang anak.
Photo for illustration credits to: Parents
