Nakaplagan na ang lawas sa usa ka 9-anyos nga bata nga si Jerry, nga na-anod sa kusog nga bul-og sa tubig baha sa Barangay Balutakay, Bansalan, Davao del Sur, kaniadtong Agosto 22,2025.
Atol sa gipahigayon nga search and rescue operation, nakaplagan ang biktima karong buntag ,Agosto 23,2025 sa dapit sa Balagonon, Barangay Managa,sa maong lungsod.
Gawas ni Jerry, nalakip usab sa pagka-anod ang duha pa ka mga bata nga sila si Jay Mark, 9 anyos ug Kiel, 12 anyos diin pareho nga naluwas pinaagi sa tabang sa mga residente.
Usa sa nakapalisod sa operasyon mao ang kusog nga bul-og sa tubig baha. Nasayran nga gikan pa sa ilang tulunghaan ang mga bata ug tungod sa kusog nga pag-ulan, nisulay sila sa pagtabok sa kanal nga maoy hinungdan sa insidente.
Photo credits :Rocky Ben Atong Lecaros
