Gihatagan og katin-awan sa kadumalahan sa Social Security System (SSS)-Iligan, pinaagi ni Branch Head Jose Roel Herbieto nga sulod sa lima ka adlaw awtomatik na nga madawat na sa miyembro sa SSS ang retirement pension.
Busa tambag niini sa mga SSS Member nga hapit na moretiro sa trabaho nga mahinungdanon nga susihon daan ang mga record sa ilang buhatan aron masiguro nga husto ang tanang mga detalye.
Gitataw pa niya nga ang kasagarang problema nga nasinati sa mga miyembro nga paingon moretiro mao ang sayop nga spelling sa pangalan ug ang petsa sa pagkatawo nga mahimong mosangpot sa pagkalangan sa madawat nga mga benepisyo sa pagretire.
Gidugang pa nga gawas sa pagsecure sa husto nga mga record angayan usab nga i-familirize sa mga miyembro ang mga benepisyo nga maagkon sa panahon nga moretiro.
