Gidakop sa Bureau of Immigration ang usa ka Chinese national sa Ninoy Aquino International Airport sa rason nga nagpakaaron-ingnon nga Pinoy.
Kini nga impormasyon gipaambit ni Commissioner Joel Anthony Viado, ang dinakpan giila nga si Chen Zhong Zhen, 60 anyos. Gikan matud pa sa Hong Kong, si Zhen og gi-intercept sa mga immigration personnel sa iyang pag-abot sa Pilipinas.
Ang dinakpan nga Chinese national ang subject sa misyon ug imbestigasyon sa bureau human makadawat og impormasyon gikan sa intel kalabot sa giingong ilegal niyang pagkuha og mga dokumento.
Nasuta nga nigamit matud pa kini og Philippine passport nga gi-isyu niadtong 2021 ingon man ang ubang Philippine Identity cards nga nagpakita nga siya usa ka Filipino.
Matud pa ni Immigration Commissioner Viado nga gikompirmar sa ilang Alien Registration Division nga motakdo ang iyang fingerprints sa usa ka Chinese citizen.
Nasayran nga ang suspek giingong tag-iya usab og mga negosyo dinhi sa nasud ug nakalusot pa kini sa daghang lain-laing grupo sa ekonomiya ug Negosyo.
Kasamatangan ang dinakpan mag-atubang karon sa deportasyon tungod sa sayop nga representasyon samtang nagpabilin sa holding facility sa bureau sa Taguig City.
Photo for illustration courtesy to:istock
