Naila ang usa ka lalaki nga si Henry Buckley, 16 anyos, estudyante sa Hingham, Massachusetts nahimong labing batan-on nga Justice of the Peace sa tibuok US niadtong 2023.
Sa iyang pagkabatan-on,napili sa posisyon human makompleto ang tanang rekisitos sama sa pagka rehistradong botante,pagka legal nga residente sa Massachusetts, ug suporta gikan sa komunidad.
Tungod sa iyang tinuod nga determinasyon,gi-nominate siya ni Governor Maura Healey ug sa Governors Council.
Ingong Justice of the Peace, aduna siyay katungod sa pagdumala sa mga legal nga buluhaton sama sa pag-notaryo sa dokumento, pagpanguna sa kasal ug pagpanalipod sa kalinaw sa komunidad.
Bisan wala siya nakahawid og mga kasong kriminal,aktibo siya sa paghimo sa statewide handbook alang sa uban pang opisyal ug misuporta sa mga adbokasiya sama sa youth voting rights ug mental health reform.
Niadtong Pebrero 2025 mipahulay siya gikan sa posisyon aron makapokus sa iyang pag-eskwela. Bisan pa niana nagpabilin siyang inspirasyon sa daghang kabatan-onan usa ka pamatuod nga dili babag ang edad aron makab-ot ang tingug ug responsibilidad sa katilingban.
Photo courtesy to:facebook
