Nakabsan sa kinabuhi ang usa ka Senior Citizen human naghunos sa kinabuhi sa Purok Mangga 1, Barangay Lantian, Labangan, Zamboanga del Sur, Agosto 21, 2025.
Saysay sa nakasaksi, ang biktimang si alyas “Tito” 64 anyos, napalgan nga walay kinabuhi nga nagbitay sa punuan sa gemelina ,mga alas 9 sa buntag nga gisulayan pa nila ug tabang.
Dali nga gipahibalo sa silingan sa biktima ang kapulisan sa Labangan Municipal Police Station ug ang mga personahe sa Labangan Rural Health Unit aron masusi ang lawas sa biktima.
Apan, gideklara sa misusing Doctor nga wala nay kinabuhi ang biktima gumikan sa kakulang sa hangin o “asphyxiation”.
Human napailawom ang lawas sa biktima sa medico legal examination ug crime scene processing giturn-over kini sa mga otoridad ang patayng lawas niini ngadto sa nagbangutan nga pamilya.
Gikumpirma sa pamilya ngadto sa otoridad, nga sobrang depression ang hinungdan sa pagpakamatay niini gumikan sa gidala-dala niining sakit nga gallstone.
photo for illustration credits to:csvr
